Langsung ke konten utama

Fabel Jawa - Manuk Emprit Memitran karo Kidang

Manuk Emprit Memitran karo Kidang

Dhek jaman biyen, kabeh kewan padha urip rukun lan padha tulung- tinulung.  Semono uga kanggone Si Kidang lan Manuk Emprit anggone memitran nganti rumaket banget. Angger ana Kidang ya ana Emprit, angger ana Emprit mesthi ana Kidang.

Ing sawijine dina, Emprit nyusuh ana parinan.  Parine wis padha kuning, wayahe dipanen. Manuk Emprit bingung amarga anake durung padha bisa mabur, wedi nek dimangsa karo manungsa. Emprit banjur mara omahe Kidang. Karepe ngajak rembugan supaya menehi pepadhang.

Tekan omahe Kidang, kalorone padha rembugan.  Kidang nemu akal dheweke bakal nggodha manungsa kang arep panen, supaya ora nyedhaki susuhe Si Emprit.

Ing dina kang wis ditemtokake, Kidang nerjang liwat wani marani wong-wong kang arep panen. Weruh Kidang kang playune ora pati banter, wong-wong mau langsung ngoyak Si Kidang. Kidang pancen mung nggodha wong-wong mau, yen wong-wong sing ngoyak wis cedhak playune dibanterke. Yen wong-wong mau isih katon adoh, playune dirindhikake. Mangkono sateruse nganti adoh banget.

Patang dina sabanjure, anake Emprit wis padha bisa mabur. Ora lali Emprit ngomong panuwun karo Kidang.

Kocap carita, wong-wong mau padha nggawe basangan kanggo Si Kidang ing sacedhake sawah. Nalika wengi teka, Kidang metu golek pangan sacedhake sawahan manungsa. Dheweke kena basangane wong-wong mau, langsung awake gumandhul ora bisa uwal. Dheweke pasrah, sewengi gandhul-gandhul ora ana sing nulungi.

Esuk-esuk banget, Emprit wis tangi. Nalika mencok ing sawijine wit, dheweke weruh Kidang kang kena basangan. Emprit age-age marani lan kepengin nulungi Kidang. Emprit oleh akal,  Kidang diteleki lan pesen supaya wetenge Kidang diplembungna dadi kaya-kaya wis mati. Mengko mesthi taline dikethok karo wong-wong mau, terus Kidang dikon mlayu sabanter-bantere.

Temenan, ora watara suwe wong-wong mau mara lan ngira yen kidang wis mati amarga awake kebak telek manuk. Taline Kidang banjur diketok nganggo arit. Pranyata, Kidang langsung mlumpat mlayu tambuh-tambuh parane. Wong-wong ing kono amung mlongo weruh Kidang kang mlayu banter banget.

 

 Kapethik saka Majalah Pandjebar Semangat, No.1, 2004 kanthi ewah-ewahan.


If you wanna copy my stories, you must include the source. Be a good people, arigatou~

Komentar

Posting Komentar

Postingan populer dari blog ini

Kriteria Penilaian Lomba Pidato dan Contohnya (Bahasa Jawa)

If you wanna copy my stories, you must include the source. Be a good people, arigatou~ Kriteria Penilaian Lomba Pidato dan Contohnya  Perhatikan baik-baik penjelasan kriteria penilaian dalam lomba pidato berikut ini  1. Kesesuaian tema, judul dan isi pidato Peserta pidato akan menyampaikan judul pada awal memulai. Isi adalah apa yang disampaikan dalam berpidato. Dalam hal ini ketentuan dalm lomba menjadi landasan. Jika judul sudah ditentukan maka otomatis semua peserta akan membawakan judul yang sama, namun jika hanya tema maka judul akan bervariasi. Dari situ penilai atau juri bisa mengukur kesesuaian tema, judul dan isi yang dibawakan 2. Sistematika pembawaan ( pembuka, isi, penutup) Sangat dasar dalam berbicara di depan publik termasuk berpidato mempunyai urutan pembuka, isi dan penutup yang harus dibawakan dengan tepat oleh peserta lomba pidato. Jika ada salah satu yang kurang maka akan menjadi nilai minus. 3.  Bahasa yang bagus Pertama bahasa...
Posting Komentar
Baca selengkapnya

RPP CERITA RAKYAT BAHASA JAWA KURIKULUM 2013 KELAS 7 SMP

RENCANA PELAKSANAAN PEMBELAJARAN (RPP) Satuan Pendidikan               : SMP Negeri 3 Sukoharjo Mata Pelajaran                     : Bahasa Jawa Kelas /Semester                    : VII /I Materi Pokok                       : Cerita Rakyat Alokasi Waktu                     : 4 x pertemuan (8 jp) A.       Kompetensi Inti KI 1   Menghayati   dan mengamalkan   ajaran   agama yang dianutnya. KI 2   Menghargai dan men g hayati perilaku jujur, disil...
Posting Komentar
Baca selengkapnya

Crita Wayang "Srikandhi Madeg Senapati"

If you wanna copy my stories, you must include the source. Be a good people, arigatou~ Ing tlatah Jawa, wayang ngrembaka tumekan saiki. Wiwitane, wayang dadi sarana kanggo muji syukur lan atur panuwun marang Gusti Kang Murbeng Dumadi. Jalaran wayang nuduhake watak kang religius, ngabekti marang Gusti, lan iku kabeh watak kapribadene wong Jawa.   Wayang iku kabudayan asli Jawa. Ing tanggal 7 Nopember 2003 wayang wis diakoni marang UNESCO minangka kabudayan luhur bangsa Indonesia. Prastawa iki mratandhani yen donya ngakoni menawa wayang iku kabudayan kang luhur. Sapa wae sing gelem nyemak isi lan pitutur kang ana ing wayang bakal dituntun ing dalan kabecikan. Wayang iku asale saka tembung “hyang” kang tegese dewa. Wong kang ngalokake utawa mimpin pagelaran wayang diarani dhalang. Dene, wong sing nabuh gamelan lan ngiringi pagelaran wayang diarani niyaga. Crita wayang kang biyasane dadi lakon ing pagelaran wayang kulit iku njupuk saka crita Mahabarata lan Ramayana. Mahabarata ...
Posting Komentar
Baca selengkapnya