Tuladha Geguritan Sandi Asma

Geguritan Kapisan

Lumantar Bayu 

dening Hayu 

Suka rena nalika sira teka

Ra krasa wus setaun iketaning tresna

Ingsun tan bisa ngempet rasa

Netra uga tan bisa ngempet suka

Udan luh tumetes saka netra

Rasa rumangsa sira nyata ana

Rong taun wus kaliwat

Atiku tan bisa ngalih

Hanjejeri lumakumu

Anggandheng tanganmu

Yekti amung lamun

Uluk salamku lumantar bayu

Geguritan Kapindho

Pangajab Driya

dening Hayu

Sira pepujaning nala

Atiku tansah nandhang tresna.

Hamengku rasa kang wus meh nem warsa.

Ra krasa warsa wus ginanti warsa.

Udarasa seneng sedhih susah lawan cuwa.

Lelakon kang wus kaliwat saben dina.

Apa amung pangrasa sedhela?

Nora, nora kangmas...

Driya manah kula namung kangge slira.

Raga jiwa sarta wardaya kawula.

Idin mring Gusti supaya ngijabah.

Angen-angen antuk krama.

Nadyan kadya nengga sawarsa.

Tetep ingsun badhe nengga.

Ora bakal cidra pangrasa.