Geguritan "Kalamun Kingkin"

Kalamun Kingkin
dening Hayu

Kena apa?

Kena apa sira nora bisa lunga

Lunga saka nala lan pikir ingsun

Sun amung bisa nyawang

Nyawang sira ana raga liya

Wong liya kang memper

Memper solah bawanira

Memper pasuryanira

Apa iki sing jenenge kalantur tresna?

 Tresna tan kena kinira

Tresna kang gawe bungah

Tuwin agawe cuwa

Cuwa myang sira

Bab iki samsaya giris wardaya

Nalika amung ingsun kang emut myang sira

Nalika amung ingsun kang  katula-tula

Nalika amung ingsung kang nandang wuyung

titi mangsa: 15/9/2017, 19.03 WIB